Ar ddiwedd mis Medi, efallai eich bod wedi gweld golygfa anarferol wrth i chi deithio i lawr y ffordd fynydd trwy’r cwm.
Cafodd y tîm mawn gymorth yn yr awyr gan hofrennydd yn ddiweddar i godi bwndeli o foncyffion llarwydd ar y safle adfer presennol yng ngorllewin y cwm.
Bydd y boncyffion hyn yn cael eu defnyddio yn eu tro i adeiladu argaeau pren ar draws y safle i ddal dŵr yn ôl a chodi’r lefel trwythiad, a fydd dros amser yn helpu i greu amodau sy’n ffurfio mawn.
Mae’r tîm bob amser yn chwilio am yr opsiwn lleiaf ymwthiol a’r opsiwn carbon isaf wrth adfer y mawndiroedd yn y cwm. Fodd bynnag, oherwydd graddfa’r diraddio, nid yw argaeau mawn syml na gwaith â llaw bob amser yn opsiwn!
Oherwydd cyfaint y deunydd sydd ei angen ar gyfer y safle hwn, y dull cludo awyr sydd wedi profi’n llwyddiannus oedd yr unig opsiwn i leihau difrod amgylcheddol.
Rydym yn cydnabod allbwn carbon uchel y dull cludiant hwn, a dyna pam y gwnaed y gwaith mor effeithlon â phosibl, gan leihau nifer y codiadau angenrheidiol i ddim ond diwrnod a hanner. Y dull amgen i gludiant awyr fyddai symud boncyffion ar y safle trwy ddefnyddio dympiwr ar drac; nid yn unig y byddai hyn yn cymryd hyd at fis, byddai’r difrod i’r llystyfiant a’r mawn yn anorchfygol.
Mae’r hofrennydd yn cynnig ffordd ddiddifrod o gludo deunyddiau i’r safle yn gyflym er mwyn galluogi storio a dal carbon yn y tymor hir.
